.png)
सरकारको चालु आर्थिक वर्ष २०८१/८२ को बजेट आकार सुरु विनियोजनको तुलनामा ९.०१ प्रतिशतले घटाइएको छ। उपप्रधान तथा अर्थमन्त्री विष्णुप्रसाद पौडेल ले अर्धवार्षिक मूल्यांकन प्रतिवेदन बिहीबार प्रतिनिधि सभा बैठकमा पेश गर्दै चालु आर्थिक वर्षको बजेट १ खर्ब ६७ अर्ब ५६ करोड ९५ लाख रुपैयाँ घटाएको जानकारी दिएका छन्।
निवर्तमान अर्थमन्त्री वर्षमान पुन द्वारा ल्याइएको १८ खर्ब ६० अर्ब ३० करोड को बजेट अब घटेर १६ खर्ब ९२ अर्ब ७३ करोड ३५ लाख मा झारिएको छ। यो प्रारम्भिक विनियोजनको ९०.९९ प्रतिशत मात्र हो।
बजेट कटौतीपछि नयाँ विनियोजन
- चालु खर्च: १० खर्ब २९ अर्ब ३० करोड (९०.२४% विनियोजन)
- पुँजीगत खर्च: २ खर्ब ९९ अर्ब ५० करोड ९ लाख (८५% विनियोजन)
- वित्त व्यवस्थापन बजेट: ३ खर्ब ६३ अर्ब ९३ करोड २६ लाख (९९.०९% विनियोजन)
समीक्षा अवधिमा चालु खर्च १७.६६ प्रतिशतले वृद्धि भए पनि पुँजीगत खर्चमा सुधार हुन नसकेको प्रतिवेदनमा उल्लेख छ।
राजस्व परिचालन र वित्तीय हस्तान्तरण
अर्थमन्त्री पौडेलका अनुसार,
- चालु आर्थिक वर्षको पुससम्म राजस्व परिचालन १२.७% ले बढेको छ।
- आर्थिक वर्षको अन्त्यसम्म बजेटको लक्ष्यनजिक पुग्ने अनुमान।
- प्रदेशलाई ३४ अर्ब ८९ करोड २२ लाख र स्थानीय तहलाई १ खर्ब ५० अर्ब २६ करोड ८ लाख वित्तीय हस्तान्तरण।
- मूल्य अभिवृद्धि कर र अन्तःशुल्कबाट प्रदेश र स्थानीय तहलाई ६४ अर्ब ५५ करोड ८० लाख बाँडफाँट गरिएको, जुन गत वर्षको तुलनामा १४.१७ प्रतिशतले बढी हो।
सरकारले खर्च व्यवस्थापन सुधार गर्ने बताउँदै समग्र आर्थिक वृद्धिलाई प्रभावकारी बनाउने योजना अघि सारेको छ।
साचै यो पढेर तपाईलाई कस्तो महसुस भयो ?
0%
खुशी
0%
दुखी
0%
अचम्मित
0%
उत्साहित
0%
रिसाएका