.png)
विगु दोलखा
। देवालिङ्गे स्वर माध्यमिक विद्यालयमा बिजया दशमी, शुभ दिपावली तथा छठ पर्वको अवसरमा शुभकामना आदानप्रदान कार्यक्रम सम्पन्न भएको छ। विद्यालय परिसरमा आयोजित उक्त कार्यक्रममा शिक्षक, विद्यार्थी, अभिभावक, स्थानीय समाजसेवी तथा विभिन्न संघ–संस्थाका प्रतिनिधिहरुको उपस्थिति रहेको थियो।
कार्यक्रममा सहभागी वक्ताहरुले नेपाली समाजमा रहेका चाडपर्वले आपसी भाईचारा, एकता र सद्भाव बढाउन महत्वपूर्ण भूमिका खेलेको उल्लेख गर्दै विद्यालय परिवारलाई शुभकामना व्यक्त गरे। साथै, शिक्षा क्षेत्रमा विद्यालयले पुर्याएको योगदानको सराहना गर्दै अझै प्रभावकारी शैक्षिक वातावरण बनाउन सबैको सहकार्य आवश्यक रहेकोमा जोड दिइयो।
विद्यालयका प्रधानाध्यापकले विद्यालयको प्रगति तथा उपलब्धिहरु बारे जानकारी गराउँदै आगामी दिनमा विद्यार्थीहरुको शैक्षिक स्तर उकास्न निरन्तर प्रयास गर्ने प्रतिबद्धता व्यक्त गरे।
कार्यक्रममा सांस्कृतिक प्रस्तुति, कविता वाचन र विद्यार्थीहरुले प्रस्तुत गरेका विभिन्न मनोरञ्जनात्मक कार्यक्रमले वातावरणलाई झनै उत्साहपूर्ण बनाएको थियो।
स्थानीय अभिभावक र अतिथिहरुले यस्तो कार्यक्रमले विद्यालय, अभिभावक र समाजबीचको सम्बन्धलाई अझ मजबुत बनाउन सहयोग पुग्ने विश्वास व्यक्त गरे।