श्री देवलिङ्गे स्वर माध्यमिक विद्यालयमा नेपालीहरूको महान् चाड बडादसैँ, तिहार तथा छठ पर्वको अवसरमा शुभकामना आदानप्रदान कार्यक्रम सम्पन्न भएको छ। विद्यालयमा आयोजित उक्त कार्यक्रममा पूर्व गाविस अध्यक्ष तथा पूर्व विद्यालय व्यवस्थापन समिति अध्यक्ष भक्तबहादुर केसी, हालका विद्यालय व्यवस्थापन समिति अध्यक्ष बुधसिङ तामाङ, व्यवस्थापन समितिका सदस्यहरू, अभिभावकहरू लगायतको उपस्थिति रहेको थियो। कार्यक्रममा उपस्थित अतिथिहरू, विद्यालय व्यवस्थापन समितिका पदाधिकारी तथा अभिभावकहरूले दसैँ, तिहार र छठ पर्वको अवसरमा एकआपसमा शुभकामना आदानप्रदान गर्दै आपसी सद्भाव, एकता, भाइचारा र सामाजिक सहकार्यलाई अझ सुदृढ बनाउने प्रतिबद्धता व्यक्त गरेका थिए। यस्ता कार्यक्रमले विद्यालय, अभिभावक तथा समुदायबीचको सम्बन्धलाई थप प्रगाढ बनाउनुका साथै विद्यार्थीहरूको शैक्षिक विकास र विद्यालयको समग्र उन्नतिमा सकारात्मक योगदान पुर्याउने विश्वास व्यक्त गरिएको थियो। कार्यक्रमले चाडपर्वको सांस्कृतिक महत्त्वलाई उजागर गर्दै समाजमा मेलमिलाप, सद्भाव र एकताको सन्देश प्रवाह गरेको छ। विद्यालय परिवारले सम्पूर्ण शिक्षक, कर्मचारी, विद्यार्थी, अभिभावक तथा शुभचिन्तकहरूमा बडादसैँ, शुभ दीपावली तथा छठ पर्वको हार्दिक मंगलमय शुभकामना व्यक्त गरेको छ।